तितोपटी – पत्रकार शालिकराम पुडासैनी आत्महत्या प्रकरणमा पक्राउ परेका सन्चारकर्मी रवि लामिछानेलाई धरौटीमा रिहा गर्न अदालतले आदेश दिएको छ ।
लामिछानेलाई पाँच लाख, सँगै पक्राउ परेका पत्रकार युवराज कँडेललाई तीन लाख रुपैयाँ र रुकु भनिने अस्मिता कार्कीलाई साधारण तारेखमा छाड्न चितवन जिल्ला अदालतले सोमबार आदेश दिएको हो ।
कार्कीलाई पीडितमा राख्दै अदालतले साधारण तारेखमा छाड्न आदेश दिएको हो ।
अदालतले घटनाको फैसला नहुन्जेल घटनासँग सम्बन्धित कार्यक्रम सन्चालन गर्न लामिछानेलाई रोक लगाएको छ भने अदालतको अनुमती बिना विदेश यात्रा गर्न रोक लगायेको छ ।
जिल्ला न्यायाधीश हेमन्त रावलको इजलासमा भएको थुनछेक बहसमा ८ जना वकिलहरुले बहस गरेका थिए ।
अदालतले लामिछानेसहित तीनैजनासँग आइतबार र सोमबर गरी दुई दिन लगाएर बयान लिएको थियो ।
