तोयानाथ दाहाल – गत अगष्ट २ का दिन सम्पन्न एनआरएन एनसीसी को पहिलो बैठक कुवेत स्थित मालिया सीटीमा हिजो अर्थात अगष्ट १० का दिन सम्पन्न भयो ।
बैठकले आफ्नो सांगठनिक आकारलाई अन्तिम रुप दिदै कार्य विभाजन तथा पदिय जिम्मेवारीको यथोचित व्यवस्थापन समेत गरेको छ । जसअनुसार राजेन्द्र तामाङ, सुमित्रादेवी पौडेल र अर्जुन तामाङ लाई संरक्षकमा चयन गरेको छ । यसैगरी बरिष्ठ सल्लाहकारमा शिब प्रसाद कोईराला, राम बहादुर लामा छन् भने सल्लाहकारमा जय बहादुर आले, आनन्द आर्चाय, र नैनाकला राई मनोनित भएका छन् ।
एनसीसी कुवेतले गणेश बहादुर रावतलाई प्रबक्ता बनाएको छ । निर्वाचनबाट आएको नयाँ समितीको पहिलो बैठकले हर्क बहादुर गुरुङ, भुपेन्द्र सारु र सम्झना गुरुङ लाई कार्यसमिती मा चयन गरेको छ ।
यसरी नै एनसीसीले कामको चुस्तता र प्रभावकारिता विस्तार गर्न विभिन्न उपसमितीहरु को गठन गरेको छ । राहत कोषको उपसमिती संयोजकमा हरी लावती, बैदेशिक रोजगार विभाग को संयोजकमा उमेश कुमार पुडासैनी, सामुहिक लगानी कोष संयोजक मा रानाध्वज लामा रहेका छन ।
बैठकले हिजै एक कार्ययोजना पनि पास गरेको छ जसअनुसार गैरआवासिय कुवेतको दुई बर्षे कार्यकाल भित्रमा नै पुरा गर्ने गरी नेपालको दुर्गम भेगमा रहेको शिक्षाको उन्नतीका लागि एउटा र स्वावस्थ्यका लागि अर्को कार्य योजना दिने भएको छ । यसरी नै कुवेतमा कार्यरत नेपालीहरुका लागि पनि स्वास्थ्य र श्रम सम्बन्धि चेतनामुलक कार्यक्रम आयोजना गर्ने भएको छ । यसका अलावा यहाँका समस्याहरु लाई एकिकृत गर्दै नेपाल सरकार श्रम मन्त्रालयमा डेलीगेसन जाने पनि निर्णय गरेको छ ।
एनआरएन ले यसबैठक बाट यहाँ रहेका नेपालीहरु बीच खेलकुद खेलाउने, आ आफ्ना भाषा संस्कृति तथा साहित्य समेतको सम्बर्दन मा विभिन्न कार्यक्रमहरु गर्ने , नेपाली राजदुतावाससँग समन्वय र सहकार्य गर्दै भिजिट नेपाल २०२० सफल पार्न प्रयत्न गर्ने । यसका अतिरिक्त एक महत्वाकांक्षी कार्ययोजनामा एनसीसी ले प्रस्तुत गरेको छ । जुन सम्भव तर चुनौतीपूर्ण हुने देखिन्छ । जहाँ श्रम मन्त्री र परराष्ट्र मन्त्रीको उपस्थितीमा मध्यपूर्वको सम्मेलन कुवेतमा गराउने संकल्प एनसीसी को पहिलो बैठक ले लिएको छ । सधै भरी का एनसीसी ले भन्दै आएको कुवेतका नेपालीहरुलाई समेटेर नेपालमा लगानी गर्ने योजना यसपटक को समितीले पनि आफ्नो अन्तिम बुदाको रुपमा प्रस्तुत गरेको छ ।
एनसीसी कुवेतका बर्तमान अध्यक्ष सुजन केसीको अध्यक्षता र आईसीसी सदस्य अमित राई को उपस्थितीमा भएको बैठकमा बधाई तथा शुभकामनाहरु साटासाट गरिएका थिए । यसरी नै अघिल्लो समितीले एनसीसी को आर्थिक गतिविधी, सांगठनिक अवस्था र निर्वाचन समितीले हिसाव किताब बुझबुझारत गरेका थिए । बैठक मालिया स्थित होटल एषिया एषियामा सम्पन्न भएको थियो ।
