तितोपाटी- पृथ्वीराजमार्ग अन्तर्गत धादिङको थाक्रे गाउँपालिका वडा नं. १ खयरघारीमा यात्रुबहाक बससँग माइक्रो ठोक्किएर खोलामा खस्दा १२ जना घाइते भएका छन् ।
सोमबार बिहान चितवनबाट काठमाण्डौ लागेको बा ५ ख २१५१ नम्बरको माइक्रो बिपरित तर्फबाट आउँदै गरेको लु २ ख २१३४ नम्बरको बस एक आपसमा ठोक्किएको हो ।बसले माइक्रोलाई ठक्कर दिएपछि माइक्रो महेश खोलामा खसेको जिल्ला प्रहरी कार्यालय धादिङले जनाएको छ । दुर्घटनामा घाइते भएका सबैलाई उपचारका लागि काठमाण्डौको ट्रमासेन्टरमा पठाइएको छ ।
