तितोपाटी- सरकारले ल्याएको विधेयकबाट गुठियारहरु आतंकित भएको भन्दै उनले विधेयक उपत्यकावासीलाई कुनै पनि अवस्थामा स्वीकार्य नहुने चेतावनी दिए । धर्म संस्कृतिको संरक्षणको लागि मण्डलामा आएका सर्वसाधरणलाई सरकारले निर्मम ढंगले लाठी प्रहार गर्ने काम भएको भन्दै उनले घटनाको घोर भत्र्सना गरे ।
उनले भने, ‘यदि धर्मलाई र यहाँको परम्परालाई विशेष गरेर नेवार जातिको संस्कृति र संस्कारलाई चलाईयो भने निश्चित रुपले १० औ लाख मान्छे काठमाण्डौमा उत्रनेछ । नाङलो ढड्याएर हात्ती तर्साउने काम नगरोस् सरकारले राजधानीवासीलाई ।’
उनले विधेयक फिर्ता नलिएर त्यसको विरोधमा काठमाडौं घेराबन्दी हुने र भयाभह स्थित श्रृजना हुने चेतावनी दिए । प्रधानमन्त्रीले विदेशीको धर्म प्रचार प्रशार गरेर हिन्दु धर्म समाप्त पार्ने खेलमा लागेको आरोप उनले लगाए । उनले हिन्दु धर्म मात्रै नभई बौद्ध लगायतका धर्मका पनि गुठीहरु रहेको भन्दै धर्म संस्कृति ध्वस्त पार्ने गुठी विधेयक तत्काल फिर्ता गर्न माग गरे । गुठियारहरु आफुहरुको धर्म र संस्कृति हनन् गर्न लागेको भन्दै निकै आक्रोशित रहेको भन्दै काठमाडौंबासीको संस्कार र भावनासँग खेलवाड नगर्न आग्रह गरे ।
उनले भने, ‘सभामुख महोदय, मैले बच्चामा स्कुल जाँदा सुनेको थिएँ । कम्युनिष्ठहरु धर्म मान्दैनन् । कम्युनिष्ठहरु संस्कृति र सम्पदामा विश्वास गर्दैनन् । कम्युनिष्ठहरु चाडपर्व, परम्परा र संस्कार मान्दैनन् । यो कम्युनिष्ठको दर्शन हो । यो कम्युनिष्ट को स्कुलिङ हो । आज यो चरितार्थ भएको छ ।’
उनले भूमिसुधारमन्त्री पद्मा अर्यालले संविधानको गलत व्याख्या गरेको भन्दै संविधानलाई अक्षरस अध्ययन गर्न आग्रह गरे । सोमबारको बैठकमा मन्त्री अर्यालले संविधान अनुसारनै गुठी सम्बन्धी विधेयक आएको दाबी गरे ।
संविधानको धारा २६ मा धर्ममा आस्था राख्ने प्रत्येक व्यक्तिलाई आस्था अनुसारको धर्मको अबलम्बन र संरक्षणको स्वतन्त्रताको प्रत्याभूति गरिएको, धारा २ सय ९० मा गुठीको मुलुभूत मान्यतामा प्रतिकुल असर नपर्ने गरि व्यवस्थापन गर्न भनिएको भन्दै उनले धार्मिक स्थल तथा धार्मिक गुठी संरक्षण गर्ने हक संविधानले दिएको दाबी गरे ।
आईतबार माईतीघर मण्डलामा गुठी व्यवस्थापन सम्बन्धी विधेयकको विरोधमा निस्किएको जुलुशमा प्रहरी दमन भएको भन्दै उनले तत्काल छानविन समिति बनाउ आग्रह गरे ।
