Thursday 16th October 2025

पुर्वप्रधानमन्त्री प्रचण्ड दम्पतिले विवाहको ५० औं वर्षगाँठ मनाए


तितोपाटी – पूर्वप्रधानमन्त्री पुष्पकमल दाहाल प्रचण्ड र सीता दाहालले सहकार्यको ५० औं वर्षगाँठ मनाएका छन् । २०७४ साल मंसिरमा छोरा प्रकाशको निधनपछि विक्षिप्त बनेकी पत्नी सीताको मुहारमा खुसी ल्याउन प्रचण्डले सहकार्यको ५० औं वर्षगाँठ मनाएका हुन् । खुमलाटारस्थित प्रचण्ड निवासमा आयोजित कार्यक्रममा उपराष्ट्रपति नन्दबहादुर पुनका साथै मन्त्रीहरु, सांसद, नेकपाका नेतालगायतको बाक्लो उपस्थिति थियो ।

सहकार्यको ५० औं वर्ष नाम दिइएको कार्यक्रममा प्रचण्ड र सीता दुलाह दुहली झैं सजिएका थिए । तर, शारीरिक रुपमा सीता निकै अशक्त देखिएकी थिइन् । ललितपुरको सुनाकोठीमा विहीबार अपरान्ह प्रचण्ड र सीता दाहाल बेहुला-बेहुलीजस्तै बनेर सोफामा बसेका थिए । छेउमा साडीमा सजिएर दुई छोरीहरु बसेका थिए । सीता र प्रचण्डले जग्गेमा बेहुला-बेहुलीले जस्तै एक अर्कालाई माला लगाइदिएका थिए ।

छेउमा समारोहमा रातो लुगामा सजिएका महिलाले नरसिंगा, दमाहा लगायतका पञ्चेबाजा धन्काएका थिए भने सहभागीहरुलाई केक काटेर खुवाइएको थियो । सामान्य खानपिनको व्यवस्था पनि थियो ।


सम्बन्धित शीर्षकहरु

नेपाल कुवेत सरोकार समाजले आफ्नो पाँचौं अधिवेशन आगामी अक्टोबर ३१ (शुक्रबार) का दिन आयोजना गर्ने भएको छ। समाजका अनुसार अधिवेशन…

अन्तिम ओभरमा दीपेन्द्र सिंह ऐरीले उत्कृष्ट प्रदर्शन गरेपछि नेपालले आईसीसी टी–२० विश्वकप एसिया तथा इस्ट एसिया पेसिफिक छनोटको सुपर सिक्सको…

हमास र इजरायलबिचको युद्धविराम योजनाको पहिलो चरणअन्तर्गत सोमबार बन्धक रिहा गरिने भएको छ । यसै क्रममा गाजामा हमासको नियन्त्रणमा रहेका…

प्रतिकृयाहरू
...