-हरि कंडेल
स्वार्थ लुट्नेहरुको बोलीमा मिठास हुने छ ।
साच्चै माया प्रेम यिनी हरुको खास हुने छ ।
चिनेका दुश्मनुबाट त टाढा जान सक्छौ
आफ्नो बनेर बस्ने दुश्मन आसपास हुने छ ।।
धन सम्पत्ति भनेर किन दुश्मनी बनाउछौ
थाहा छैन हाम्रो काहा अन्तिम बाँस हुने छ ।।
यहाँ करोडौंका मालिक त भिकारी हुन्छन्
धन सम्पत्ति आज छ भोली नाश हुने छ ।।
अमर हुने तिम्रो राम्रो काम मात्र हो मित्र
यो पार्थिव शरीर त एक दिन लास हुने छ ।।
