तितोपाटी-महालेखा परीक्षकको कार्यालयको प्र्रतिवेदनले ३ खर्ब ७७ अर्ब ४८ करोड बराबर बेरुजु फस्र्यौैट हुन बाँकी रहेको देखाएको छ ।
महालेखाले संघीय, प्रदेश र स्थानीय तह, संगठित संस्था, समिति लगायतको ५१ खर्ब ६० अर्ब ९२ करोड रुपैयाँ बराबरको लेखापरीक्षण गरेको हो । लेखापरीक्षणमध्ये ४ हजार ८ सय ४१ संघीय सरकारी निकायतर्फ २० खर्ब ८ अर्ब ८४ करोड रुपैयाँ बराबरको लेखा परीक्षणबाट १ खर्ब ६ अर्ब ३४ करोड अर्थात् ५ दलशमलव २९ प्रतिशत बेरुजु देखिएको छ ।
सार्वजनिक संस्था, जिल्ला समन्वय समिति र अन्य समितिको २५ खर्ब ७७ अर्ब ९५ करोडको लेखापरीक्षण सम्पन्न महालेखाले जनाएको छ । गत वर्षको बाँकी बेरुजु २ खर्ब ९० अर्ब ५२ करोडमा समायोजन र फस्र्यौैट गरिएकोमा वर्ष थप भएको १ खर्ब ४१ अर्ब ५ करोडसमेत गरी ३ खर्ब ७७ अर्ब ४८ करोड बराबर बेरुजु फस्र्यौैट हुन बाँकी छ ।
लेखापरीक्षण तथा सम्परीक्षणबाट यो वर्ष ९ अर्ब ७० करोड रुपैयाँ बराबर असुल भएको छ । यो वर्ष ५४ अर्ब ६५ करोड बेरुजु फस्र्यौैट तथा सम्परीक्षण भएको हो ।
प्रतिवेदनमा ४० भन्दा बढी सचिव र कार्यालय प्रमुखलाई बेरुजुको जिम्मेवार व्यक्तिका रुपमा उल्लेख गरेको छ । महालेखाका अनुसार पूर्वमुख्यसचिव लोकदर्शन रेग्मीदेखि प्रमुख निर्वाचन आयुक्तमा सिफारिस भएका स्थानीय विकास मन्त्रालयका तत्कालीन सचिव दिनेश थपलियासम्म बेरुजुको लिष्टमा छन् ।
