भेनेजुएलाकी विपक्षी नेतृ तथा नोबेल शान्ति पुरस्कार विजेता मारिया कोरिना माचाडो १० महिनाभन्दा बढी समयको निर्वासनपछि स्वदेश फर्किएकी छन्। उनले सामाजिक सञ्जाल एक्स (X) मार्फत आफ्नो आगमनको जानकारी दिँदै भेनेजुएली जनतासँग पुनः एकजुट भएको सन्देश दिएकी हुन्।
माचाडोले निर्वासन अवधिमा धेरैपटक स्वदेश फर्कने प्रयास गरे पनि सफल भएकी थिइनन्। उनको आगमनलाई विपक्षी पक्षले लोकतान्त्रिक आन्दोलनका लागि महत्वपूर्ण कदमका रूपमा व्याख्या गरेको छ।
राजनीतिक सहयोगी एडमुन्डो गोन्जालेजले माचाडोको फिर्तीलाई भेनेजुएलाका लागि ऐतिहासिक क्षण भन्दै आफू पनि चाँडै स्वदेश फर्किने बताएका छन्।
माचाडोको स्वदेश फिर्तीसँगै भेनेजुएलामा लोकतान्त्रिक संक्रमण, राजनीतिक मेलमिलाप तथा नयाँ निर्वाचनको सम्भावनाबारे बहस थप तीव्र बनेको छ।
https://www.bbc.com/news/articles/cq8ez592pp0eo
