टर्कीको पश्चिमी मानिसा प्रान्तमा आइतबार पर्यटन बस र टो ट्रक एकआपसमा ठोक्किँदा कम्तीमा ११ जनाको मृत्यु भएको छ भने २७ जना घाइते भएका छन्। दुर्घटना अखिसार नजिकको राजमार्गमा भएको हो।
स्थानीय प्रशासनका अनुसार दुर्घटनापछि उद्धार टोली, प्रहरी र एम्बुलेन्सहरू तत्काल घटनास्थलमा खटिएका थिए। घाइतेहरूलाई नजिकका अस्पतालमा उपचारका लागि लगिएको छ।
दुर्घटनामा संलग्न बस बुर्साबाट इज्मिरतर्फ जाँदै थियो। घटनापछि बस चालकलाई अस्पतालबाट डिस्चार्ज गरेलगत्तै प्रहरीले नियन्त्रणमा लिएको छ र दुर्घटनाको कारणबारे अनुसन्धान सुरु गरिएको छ।
टर्कीका अधिकारीहरूले मृतकका परिवारप्रति समवेदना व्यक्त गर्दै सडक सुरक्षा नियमको कडाइका साथ पालना गर्न सबैलाई आग्रह गरेका छन्।
