अफगानिस्तानको पश्चिमी निमरोज प्रान्तमा सुरक्षा बलले मानव तस्करीको प्रयास विफल पार्दै ११३ जनाको उद्धार गरेको छ।
प्रहरीका अनुसार ६ जना मानव तस्करले ती व्यक्तिहरूलाई अवैध मार्ग प्रयोग गरेर देशबाहिर लैजान खोजिरहेका थिए। सुरक्षा निकायले उनीहरूको योजना पत्ता लगाएर सबै ६ जनालाई पक्राउ गरेको छ।
कारबाहीका क्रममा तस्करहरूले प्रयोग गरेका ४ वटा सवारीसाधन र ३ वटा मोटरसाइकल पनि प्रहरीले नियन्त्रणमा लिएको छ।
अधिकारीहरूले मानव तस्करीमा संलग्न हुनेलाई कडा कारबाही गरिने चेतावनी दिएका छन्।
रोजगारीको खोजीमा छिमेकी इरान पुग्न अवैध रूपमा यात्रा गर्ने क्रममा पछिल्लो दुई महिनामा निमरोजका मरुभूमि क्षेत्रमा तिर्खा र भोकका कारण कम्तीमा २६ जनाको मृत्यु भइसकेको बताइएको छ।
