पाकिस्तानले पूर्वी अफगानिस्तानको कुनार प्रान्तको नुरगल जिल्लास्थित पतंग क्षेत्रमा सोमबार बिहान सबेरै हवाई आक्रमण गरेको छ ।अ फगानिस्तानका अधिकारीहरूका अनुसार पाकिस्तानी आक्रमण बाट कम्तीमा तीन जनाको मृत्यु भएको छ। यस घटनापछि दुई देशबीचको सम्बन्ध फेरि तनावपूर्ण बन्न सक्ने चिन्ता बढेको छ।
पाकिस्तान र अफगानिस्तानबीच यसअघि फेब्रुअरीमा पनि ठूला झडप भएका थिए। त्यसपछि करिब तीन महिनादेखि अवस्था केही शान्त रहे पनि पछिल्लो हवाई आक्रमणले फेरि तनाव चर्किने संकेत देखिएको छ।
पाकिस्तानले अफगानिस्तानको भूमिबाट सशस्त्र समूहले सीमा पार गरी आफ्ना क्षेत्रमा आक्रमण गर्ने गरेको आरोप लगाउँदै आएको छ। यही कारणले सुरक्षा कारबाही आवश्यक परेको पाकिस्तानको भनाइ छ। तर अफगानिस्तानले भने आफ्नो भूमिमा रहेका समूहलाई समर्थन गरेको आरोप अस्वीकार गर्दै आएको छ।
विश्लेषकहरूका अनुसार पछिल्लो घटनाले दुई छिमेकी देशबीचको सम्बन्धमा थप जटिलता ल्याउन सक्छ र सीमावर्ती क्षेत्रको सुरक्षा अवस्थालाई पनि प्रभावित पार्न सक्छ।
