Saturday 27th September 2025

गाईजात्रा (कविता)


यहाँ छुट छ हजुर ।
यहाँ बाघलाई घाँस खान
खरायो लाई मासु लतार्न
ब्याँसोलाई बितन्डा मच्चाउन
हिसाबलाई दाल गलाउन
छुट छ
किन कि
यहाँ हाम्रो व्यापारीक राज्य छ
जहाँ चिया पिउन
अमेरिका जान
देश अँध्यारो बनाउन ,
कर्मचारी फसाउन
छुट छ
छुट त कति हो कति ?
कमिसनमा,कालाबजारमा
ठेक्का पट्टामा ईट्टाभट्टामा
छुट छ
बा बाट दाजुबाट
भाउजू बाट भैयाबाट
सैयाबाट
छुट छ
छुट नै छुटको अबसर छ
छिटो गर्नुस्
मौकामा चौका हान्नुस्
यो अन्तिम छुट अभियान हो
झोला का पोकाहरु बजारमा
बेच्न राखिएका छन्
भरियाहरुलाई
मासु चिउरा रक्सी
प्रेटोल छ
एक स्वर्णिम दिनको
हामी प्रतिक्षामा छौ
जुन एक युगमा
एक पल्ट आउँछ
आधि वेरी चलाउँछ
उथल पुथल बनाँउछ
भ्रष्टहरु कुहिएको हिलोबाट
सुन्दर गुलाफको फुल फुलाँउछ ।
🖋️असल यात्री 🖊️
गाई जात्रा (२५/०४/२०२२ )


सम्बन्धित शीर्षकहरु

लन्डन: प्रमुख पश्चिमी राष्ट्रहरूले प्यालेस्टाइन राज्यलाई आधिकारिक मान्यता दिएमा गाजामा युद्ध अन्त्य गर्न मद्दत पुग्न सक्छ र यो हमासको लागि…

अफगानिस्तानका एक १३ वर्षीय किशोर विमानको पाङ्ग्रा राख्ने ठाउँ (विमानको पाङ्ग्रा राख्ने ठाउँ) मा लुकेर काबुलबाट दिल्ली पुगेको एक अचम्मलाग्दो…

काठमाडौं: पूर्व प्रधानन्यायाधीश सुशीला कार्कीको नेतृत्वमा रहेको नेपालको अन्तरिम सरकारले यस महिना भएको भ्रष्टाचार विरोधी प्रदर्शनका क्रममा भएको हिंसाको छानबिन…

प्रतिकृयाहरू
...