Monday 1st September 2025

गैर आवासीय नेपाली संघ राष्ट्रिय समन्वय परिषद्, कुवेत (बद्री समूह)को पत्रकार सम्मेलन तथा भेटघाट कार्यक्रम सम्पन्न


कुवेत, साल्मिया — वर्ष २०२५–२०२७ का लागि निर्वाचित गैर आवासीय नेपाली संघ (एनआरएनए) राष्ट्रिय समन्वय परिषद्, कुवेत (बद्री समूह)ले साल्मियास्थित गोर्खा किचनमा पत्रकार सम्मेलन तथा भेटघाट कार्यक्रम सम्पन्न गरेको छ।

कार्यक्रममा अधिवेशन सफल पार्न विशेष भूमिका निर्वाह गर्ने पत्रकार, कुवेतस्थित विभिन्न राजनीतिक दलका प्रतिनिधि, खेलकुद क्षेत्रमा सक्रिय खेलाडी, संघ–संस्था, व्यवसायी तथा प्रत्यक्ष–अप्रत्यक्ष रूपमा सहयोग र सहभागिता जनाउने सबैप्रति आभार प्रकट गर्दै धन्यवाद ज्ञापन गरिएको थियो।

पत्रकार सम्मेलनमा पदाधिकारीहरूले जानकारी दिँदै, आगामी दिनहरूमा निरन्तर अन्तरक्रिया कार्यक्रम सञ्चालन गर्ने, विभिन्न संघ–संस्थाहरूको सहभागिता सुनिश्चित गर्ने, आगामी दुई वर्षको कार्ययोजना अघि बढाउने, र कुवेतमा रहेका नेपालीहरूका समस्याहरूको समाधानका लागि पहल गर्ने विषयमा प्रतिबद्धता व्यक्त गरे।

भेटघाट कार्यक्रममा नेपाल पत्रकार महासंघ कुवेत शाखाका पत्रकार, विभिन्न मिडिया हाउसका प्रतिनिधि तथा फोटो पत्रकारहरूको उल्लेखनीय उपस्थिति थियो। सहभागीहरूले आगामी दिनहरूमा आफ्ना विचार, सुझाव र प्रस्तुतिहरू राख्ने अवसर पाउने विषयमा सहमति जनाए।

अधिवेशनको समयमा उपस्थित हुन नसकेका ICC सदस्य होमनाथ गिरि पनि कार्यक्रममा सहभागी भएका थिए। नवनिर्वाचित कार्यसमितिले उहाँलाई स्वागत गर्दै, उहाँको मन्तव्यमा सबै पक्षलाई समेटेर मिलेमतोका साथ अघि बढ्ने तथा केन्द्रसँग प्रभावकारी समन्वय गर्दै निरन्तर क्रियाशील रहने कुरा जोड दिइयो।

त्यसैगरी, नवनिर्वाचित अध्यक्ष विकास सिंह ले पनि सबैको साथ र सहयोगका लागि आभार व्यक्त गर्दै, निर्वाचित पदाधिकारीको तर्फबाट धन्यवाद ज्ञापन गर्नुभयो। उहाँले आगामी दिनको कार्ययोजना र भविष्यको दृष्टिकोणबारे आफ्नो विचार प्रस्तुत गर्दै, सबैको सक्रिय सहभागिता रहँदा मात्र लक्ष्य हासिल गर्न सकिने धारणा राख्नुभयो।


सम्बन्धित शीर्षकहरु

प्रधानमन्त्री नरेन्द्र मोदी चीनको तियानजिनमा आयोजना भइरहेको सांघाई सहयोग संगठन (SCO) शिखर सम्मेलनका लागि आइपुगेका छन्। यस्तो अवस्थामा, विदेश मन्त्रालयले…

एउटा अभूतपूर्व अध्ययनले सुझाव दिन्छ कि मानिस सहित सबै जीवित प्राणीहरूले - दृश्य प्रकाशको हल्का चमक दिन्छन् जुन जीवन समाप्त…

नेपालका प्रधानमन्त्री केपी शर्मा ओलीले शनिबार चीनको तियानजिनमा चिनियाँ राष्ट्रपति सी जिनपिङसँगको द्विपक्षीय भेटवार्तामा लिपुलेक दर्रा हुँदै व्यापार मार्ग खोल्ने…

प्रतिकृयाहरू
...