केन्यामा घनघोर वर्षा र वर्षापछि आएको बाढीका कारण कम्तीमा ७६ जनाको मृत्यु भएको छ भने बाढीबाट लाखाैं प्रभावित भएका छन् । बाढीका कारण २९ जना घाइते भएका छन् र १९ जना अझै बेपत्ता भएको त्यहाँका अधिकारीहरूले जनाएका छन् ।
वर्षाका कारण जोखिममा रहेका क्षेत्रबाट थप मानिसहरूलाई बाहिर निकाल्न आदेश दिएको सरकारी प्रवक्ताले बताएका छन्।
केन्याले मार्चको मध्यदेखि भारी वर्षाको सामना गरि रहेको छ । केन्याली रेड क्रसले मार्चमा सुरु भएदेखि अहिलेसम्म ३०० भन्दा बढीको उद्धार गरेको जनाएको छ। त्यहाँ हजाराैं मानिसहरू घरबरबिहिन भएका छन् ।
राजधानी नैरोबीमा मात्रै बाढीका कारण ३२ जनाको ज्यान गएको छ भने १६ हजार भन्दा बढि मानिसहरू घरबारबिहिन भएका छन् । बाढीले मानिसहरू बोकेको ट्रक नै बगाएको छ भने सडकहरू जलमग्न भएका छन् ।
