Saturday 31st May 2025

तोटक छन्दमा कविताः पुस्तक -गुणनिधि घिमिरे


पुस्तक
छन्द – तोटक १२ अक्षर
यययय
।।ऽ ।।ऽ ।।ऽ ।।ऽ

सुन निर्मल ज्ञान त दिन्छ कति
बुझ शास्त्र विचारित काव्य जति ॥

पढ पुस्तक लौ रसपान लिँदै
अरुमा पनि शब्द सिकाइ दिँदै ॥

प्रविधा जति छन् उति नै रसका
विधिमा रसिला कविता जसका ॥

भन भाग्य जता मन कुद्छ उतै
सबमा करुणा गर लौ बहुतै ॥

रसिला कविता पढियो सुनियो
रसले सरिता विचमै थुनियो ॥

अझ मानव जीवन यो धनमा
किन लम्कि गयो बुझ है मनमा ॥

यसरी उसरी जसरी तसरी
भइ काव्य कवि कविका रसरी ॥

दिनमा अनि रातभरी पढियो
कविका कविता अनि ज्ञान लियो ॥

-गुणनिधि घिमिरे
अमेरिका


सम्बन्धित शीर्षकहरु

अक्टोबर ७, २०२३ मा सुरु भएको युद्धको छ सय दिन बितिसक्दा पनि इजरायलले गाजामा हमासको लगभग सबै वरिष्ठ नेतृत्वलाई समाप्त…

एजेन्सी -भारतमा कोरोना भाइरस संक्रमणवाट मृत्यु हुनेको संख्या ११ पुगेको छ भने सक्रिय संक्रमितको संख्या १०४७ पुगेको छ। जसअनुसार सबैभन्दा…

इराकी सरकारले इराकको स्वायत्त कुर्दिश क्षेत्रसँग अमेरिकी ऊर्जा कम्पनीहरूको सम्झौतालाई समर्थन गरेको मंगलबार संयुक्त राज्य अमेरिकाले बताएको छ। क्षेत्रीय प्रधानमन्त्री…

प्रतिकृयाहरू
...