तितोपाटी- कुवेतको मालिया सिटीमा रहेको चौतारी नेपाली रेस्टुरेन्टले आफ्नो शाखा महबुल्लामा संचालनमा ल्याएको छ । मालिया सिटीमा २०१४ देखि चलिरहेको चौतारीको नयाँ शाखा बिहीवार औपचारिक रूपमा संचालनमा आएको हो । कुवेतमा होटेल ब्यबसायमा छुट्टै पहिचान बनाउन सफल राजु कार्की र सुजन केसीका लगायतको संयुक्त लगानीमा उक्त नेपाली रेस्टुरेन्ट संचालनमा आएको हो । चौतारी समुहले केहि महिना पहिला मालिया सिटीमा डाम्प़ा रेस्टुरेन्ट समेत संचालनमा ल्याएको छ ।
बिहिबार चौतारी रेस्टुरेन्ट महाबुल्ला शाखा कुवेतका लागि नेपाली राजदुत दुर्गा प्रसाद भण्डारीले उद्घाटन गरेका थिए ।पन्चे बाजा घन्काएर गरिएको उद्घाटन कार्यक्रममा कुवेत स्थित नेपाली दुतावास परिवार, कुवेतका लागि भुटानका राजदुत सहित नेपाली संघ सस्थाका प्रतिनिधि बुद्दिजिबी समाजसेवी पत्रकार लगायतको उपस्थिति रहेको थियो।
पछिल्लोपटक कुवेतमा नेपालीहरुको रेस्टुरेन्ट ब्यावसायमा आकर्षण बढ्दै गएको छ। कुवेतका मुख्य सिटीहरु फाइल, फर्वानिया, मालिया , सालिमिया, महाबुल्लामा नेपालीहरुले रेस्टुरेन्ट संचालन गर्दै आएका छन ।
