संयुक्त राज्य अमेरिकामा सोमबार एकै दिन १० लाखभन्दा बढीमा कोभिड-१९ सङ्क्रमण देखिएको जोन्स हप्किन्स विश्वविद्यालयको तथ्यांकले देखाएको छ ।
अमेरिकामा विगत २४ घण्टामा करिब १.०७ मिलियन नयाँ सङ्क्रमित देखिएका हुन् ।
कोभिड १९ संक्रमितको संख्या पछिल्लो सात दिनमा दोब्बर बढेर प्रतिदिन औसत ४ लाख १८ हजारको हाराहारीमा पुगेको छ ।
हालसम्म अमेरिकामा पाँच करोड ६१ लाख ९१ हजार ७ सय ३३ जनामा कोभिड १९ संक्रमण देखिएको छ भने आठ लाख २७ हजार सात सय ४९ संक्रमितको मृत्यु भएको छ ।
