गजल
###
बहरे खफिफ
फाइलातुन् + मुस्तफ्इलुन् + फाइलातुन्
हिड्न खोजे बाटो नराम्रो रहेछ
चढ्न खोजे भर्याङ चिप्लो रहेछ।
शून्यता छाएको छ मस्तिष्क भित्रै
लाग्छ मेरो जीवन अनौठो रहेछ।
एक अर्काको साथ चाहिन्छ, जहिल्यै
जिन्दगी एक्लै बाँच्न गाह्रो रहेछ।
वास्तविकता नै बुझ्न खोज्दैन मान्छे
काल्पनिक मात्रै बन्न खोज्दो रहेछ।
सम्झिएको बेला तिमी दूर हुन्छौ
सोच्छु हाम्रो सम्बन्ध काँचो रहेछ।
-धर्मिला कार्की
महाराजगञ्ज – ३, काठमाडौं
