तीतोपाटी – नेपालमा कोरोना संक्रमण पुनः उकालो लागेको छ । पछिल्लो २४ घन्टामा मात्रै ३८४० जनामा कोरोना भाइरस (कोभिड-१९) संक्रमण पुष्टि भएको छ। परीक्षण गराएका १५८०८ नमूनामा सो संख्यामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
पछिल्लो २४ घण्टामा १०८८६ नमूनाको पीसीआर र ४९२२ नमूनाको एन्टिजेन विधिबाट परीक्षण गरिएकोमा पीसीआरबाट २६ सय ३४ जना र एन्टिजेन विधिबाट १२ सय ६ जनामा संक्रमण पुष्टि भएको हो।
यस्तै पछिल्लो २४ घन्टामा कोरोनाबाट थप ३३ जनाको मृत्यु भएको छ। यो सहित नेपालमा कोरोनाबाट मृत्यु हुनेको संख्या ९७९१ पुगेको छ।
मन्त्रालयका अनुसार बुधबार १९९३ जना कोरोनाबाट मुक्त भएका छन्। कोरोनाबाट निको हुनेको संख्या ६ लाख ४९ हजार ७२ पुगेको छ।
