गजल 
###
महिला हिंसा र अत्याचार अति नै बढेका छन् ।
छोरी भए जाँच गरि गर्भपतन गरेका छन् ।।
किन यति धेरै स्वार्थी बन्दै गएको छ संसार
कर्तव्य भुल्दा दुनियाँको नजरमा खसेका छन् ।
सधैंभर अत्याचार सहेर को बाँच्न सक्छ र ?
नारीहरु पृथ्वी हुन् त्यसैले त सबै सहेका छन् ।
घरमा पनि सुरक्षित छैनन् छोरीचेलीहरु
संघर्षको मैदानमा अचेत भइ ढलेका छन् ।
बाँच्न पनि सकस हुने यो कस्तो आयो समय ?
हेर्नुस नारी बाट नारी नै शोषित बनेका छन् ।
🌷रिता खराल, रुपन्देही 🌷
