रामराजा के.सी.को झरना – १

“झरदेखि झरनासम्म, हाम्रो यात्रा सागरसम्म”

झरना

१. म बाँचेको किन भन्थें
देश बेचेको हेर्न रहेछ ।

२. आमालाई नरूवाउनु
दश धाराको पाप लाग्ला ।

३. मरुभूमि आमाको छाति बन्दा
नर्कमा बास नपाउलाऊ ।

४. रोएपछि आँसु पुछ्ने गर
गिज्याउनेको खाँचो छैन ।

५. खुसी जिन्दगीको कुरा नगर
आँशुको फेवातालमा डुबुल्की मार्दै छु ।

६. माटोको माया लाग्छ
आमाको भन्दा धेरै ।

७. पैसाको माया लाग्छ
नाताको भन्दा धेरै ।

८. काग समाचार के ल्याउँछ?
पछि दगुर्नेको कमिछैन यहाँ ।

९. धैरै छिटो नहिँडौँ भन्छु
समय त्यसै दौडिदिन्छ ।

१०. ध्यान गर्दै छु आज
स्वर्गमा बाँस पाउनलाई ।

रामराजा के.सी., फर्पिङ, काठमाडौँ ।
Powered By: ShresthaSushil.com.np