हे युवा तिमी जाग है छिटो नगर अबेर
बढाऊ जोस हिम्मत गर नबस दबेर
देशका निम्ति विकास गर्न जुटेर बढ्नु छ
हातमा हात मिलाई अब शिखर चढ्नु छ।
उज्यालो छरौं हटाई निशा तारा झै चम्केर
उद्यमी बन्न सङ्घर्ष गरौँ स्वदेश फर्केर
ज्ञान र सीप लगानी गरी पौरख गरेर
धर्तिमा अब उमारौं विज सिर्जना छरेर।
देशको सिमा सुरक्षा गर्न कसेर कम्मर
युवाको शक्ति अर्पण गरौं रहेर तत्पर
शान्तिको निम्ति आवाज दिनु युवाको कर्तव्य
जनता सुखी समृद्ध देश सबैको गन्तव्य।
हिमाल बाट पहाड हुँदै झरौं है तराई
देशको माटो सिंचाई गरौं पसिना बगाई
शिक्षित युवा गाँउमा गई फैलाऊ चेतना
शिक्षाको ज्योति बालेर तिमी हटाऊ बेदना।
भागेर बाँच्न कदापि हुन्न वीरका सन्तान
बिरालो छेउ मुसाका सयौं आए नि बथान
स्वार्थी छन् नेता दलाल जस्ता सम्पदा बेच्लान् है
सचेत रहौं नेताले फेरि खराब सोच्लान् है।
-धर्मिला कार्की
महाराजगन्ज-३, काठमाडौँ ।