हरी कृष्ण न्यौपाने-नेपाली परोपकारी समाज कुवेतले महाविर पुनद्वारा सन्चालित राष्ट्रिय आविष्कार केन्द्र नेपाललाई नेपाली रुपैया ४०,००० (चालिस हजार)आर्थिक सहयोग गरेको छ।समाजले मेई १७,२०२१का दिन उक्त आर्थिक सहयोग आबिस्कार केन्द्रलाई हस्तान्तरण गरेको हो।
नेपाली परोपकारी समाज कुवेतका अध्यक्ष धिरेन सुबेदीले तीतोपाटी डटकम संग कुरा गर्दै भने “हामीहरुले संस्थागत रुपमा नेपालमा अप्रत्यासित रुपमा बढीरहेको कोरोना महामारी रोकथामको लागी डाक्टर-नर्सको लागी पिपिई निर्माण,अक्सिजन कनेक्टर निर्माण वा अक्सिजन रिफिल खर्च भनेर यो सहयोग पठाएका हौ।”
करिब १ बर्ष अघी गठन गरिएको नेपाली परोपकारी समाज कुवेत त्यती चर्चामा नआए पनि दुखी-पीडितहरुका लागि भने साथी बनेको संस्थापक अध्यक्ष धिरेन सुबेदीले बताए।सुबेदी भन्छ्न”सरिता थिङको शब पठाउदा गरेको हातेमालो देखी कोभिडको कारण धेरै समस्यामा परेका नेपालीहरुलाई पिसिआर, खाध्य सामाग्री बितरण लगायत कुवेतको नेपाली समाजमा देखिएको बिकृति-बिसंगतीका बिरुद्द समेत समाज सक्रिय रहेको छ।”कुवेतमा मात्र ६ समुह रहेको नेपाली परोपकारी समाजका संस्थापक उपाध्यक्ष चन्द्र पाईजा पुन र महासचिव कृष्ण भुजेल रहेका छन।
