यदि सक्छौ भने आफैलाई सोध
मानवताको कर्तव्य के हो भनेर
यदि सक्छौ भने उसलाई सोध
जसले संसारलाइ मानवोचित योगदान दिइसकेको छ ।
यदि सक्छौ भने आफैलाई हेर
आफ्नो प्रतिविम्व कस्तो छ भनेर
यदि सक्छौ भने उसलाई सोध
उसले मानव हुनुको अर्थ बुझिसकेको छ ।
यदि सक्छौ भने अगाडि बढेर हेर
आफ्नो लक्ष्यविन्दु कति टाढा छ भनेर
यदि सक्छौ भने उसलाई सोध
जसले चन्द्रमामा पुगेर संसारलाइ देखाइसकेको छ
यदि सक्छौ भने सात्विक ज्ञान आर्जन गरेर हेर
यो जगत के का लागि उत्पति भयो भनेर
यदि सक्छौ भने उसलाई सोध
जसले युगानुकुलको सफल जिन्दगी बिताइरहेको छ ।
