बन्धनलाइ शत्रु ठान्छु, स्वतन्त्रता खोज्न थालें ।
अन्धकारलाई शत्रु ठान्छु उज्यालो खोज्न थाले ।।
स्वतन्त्रतालाई कसैले यहाँ बन्दी बनाइ दिएछ ।
उषाको किरण क्षितिजपारी कतै छेकि दिइएछ ।।
दयाकृपा चाहिदैन मलाई अधिकार खोज्न थाले ।
भिक्षादान चाहिँदैन मलाई कर्मभूमि खोज्न थाले ।।
अधिकार खोजेर पाइदैन त्यसै, यहाँ संघर्ष गर्नु छ ।
बिज्ञानसँग ज्ञानलाइ जोडी जीवन सार्थक पार्नु छ ।।
अज्ञानतालाई दुश्मन ठान्छु, ज्ञान खोज्न थालें ।
लक्षको शिखर पहिल्याउन हिमाल खोज्न थालें ।।
