तितोपाटी- कुवेत सरकारले घरेलु कामदार ल्याउन आजदेखी प्रकिया सुरु गरेको छ।
कुवेतस्थित नागरिक उड्डयन प्राधिकरणले उक्त घोषणा गरेअनुसार नयाँ सिधा उड्डानद्वारा घरेलु कामदारहरूलाई ल्याउने प्रक्रिया आजबाट सुरु गरिएको हो।
कुवेत अन्तर्राष्ट्रिय विमानस्थलबाट व्यावसायिक उडान पुनः सुरु गर्न सर्वोच्च समितिको सिफारिसको आधारमा पाँच देशका नागरिकलाइ कुवेतमा घरेलु कामदार प्रवेस अनुमती दिइएको छ। जसमध्ये फिलिपिन्स, भारत, श्रीलंका, नेपाल र बंगलादेश, रहेका छन।
नयाँ भिसामा कुवेतमा घरेलु कामदार ल्याउने प्रक्रिया एक देशदेखि अर्को देशमा फरक हुने भएकोले सबैभन्दा गाह्रो र लामो प्रक्रिया फिलिपिन्सका घरेलु कामदारहरूलाई हुने -अल अनबा दैनिक समाचारले जनाएको छ।
स्रोतका अनुसार अन्य देशहरूमा घरेलु कामदारहरू भर्नाका लागि सजिलो प्रक्रिया छ । जस्तै श्रीलंकाबाट औसत एक महिना रअन्य देशहरुलाई पनी एक देखी दुई महीनामा प्रकिया पुरा हुने बताइएको छ।
कुवेतको यात्राका लागि आवश्यक पर्ने सबै स्वीकृतिहरू प्राप्त गरिसकेपछि राष्ट्रिय उड्डयन सेवा कम्पनी (एनएएस) द्वारा प्रबन्धित घरेलु कामदार ल्याउनका लागि कामदारहरुले बेलसलाम:” इलेक्ट्रोनिक प्लेटफर्मद्वारा आफ्नो नाम दर्ता गर्नुपर्ने हुन्छ।
समचारका अनुसार पहिलो उड्डान २८ जनवरीको श्रीलंका बाट हुने छ भने दोश्रो उड्डान नेपाल र बांग्लादेशबाट हुने बताइएको छ। साथै उक्त अनुमति केबल घरेलु कामदारकहरुको लागी मात्रै लागु हुने बताइएको छ।
