तितोपाटी- नेपाल कम्युनिस्ट पार्टी (नेकपा) को प्रचण्ड माधव समूहका अध्यक्ष पुष्पकमल दाहाल प्रचण्डले अहिले देखिएको लडाईं सामान्य नभएको बताएका छन् । ७० वर्षको आन्दोलनमाथि एक जना व्यक्तिले प्रहार गरेको आरोप लगाउँदै उनले संसद नमरेको बताए । उनले केपी ओलीको सरकार विघटन भएको भन्दै प्रतिनिधिसभा विघटन नभएको पनि बताए ।
प्रचण्ड माधव पक्षले काठमाडौंमा आयोजना गरेको कार्यकर्ता भेलालाई सम्बोधन गर्दै उनले यस्तो बताएका हुन् । उनले माओवादी आन्दोलनले कम्युनिस्ट आन्दोलनमा मुख्य भूमिका खेलेको समेत बताए ।
लाखौं जनता सडकमा उतारेर मात्र अहिलेको समस्या सहजीकरणतिर जाने बताउँदै उनले एक, डेढ महिनाभित्रै अहिलेको समस्या समाधानका लागि लोकतन्त्रमाथिको आक्रमणलाई निष्तेज पारिने बताए ।
