तितोपाटी- इन्डोनेशियाको राजधानी जकार्ताबाट पचास जना यात्रु बोकेर उडेको एक यात्रुवहान विमान बेपत्ता भएको छ । पश्चिमी प्रान्तको पोन्टिआनक जाने क्रममा श्रीविजय एयर बोइङ सेभेन थ्रि सेभेन उडेलगत्तै बेपत्ता भएको हो । एक मिनेटभन्दा कम समयमा उक्त विमानले ३ हजार मिटर उचाइ गुमाएको अन्र्तराष्ट्रिय सञ्चारमाध्यमले जनाएका छन । विमान दुर्घटनामा परेको आशंका गरिएको छ । बेपत्ता विमानको खोजी भैरहेको इन्डोनेसियाको यातायात मन्त्रालयले जनाएको छ । यसअघि इन्डोनेसियामा सन् २०१८ को अक्टोबर २९ मा पनि बोइङको सेभेन थ्रि सेभेन दुर्घटनामा परेको थियो । इन्डोनेसियन एयरको सो विमानमा सवार सबै १ सय ८९ जनाकै मृत्यु भएको थियो ।
