सर्जकहरु दर्शक श्रोता सम्पूर्ण सज्जन
तिहार आयो जंघार तरी बसेको सँघारमा
कामना राम्रो हजुर हाम्रो भनेर माग्दैछु
लक्ष्मीको साथ शारदा पनि साथैमा पुज्दैछु ।१।🌷🙏🌺
कोरोना शुरु भएको दिन रिसाई भागेकी
खै कता गईन् सुटुक्क गरी लुकेर बसेकी
मनमा पिडा नाचेको नाच्यै धपाई गएन
शारदा पूजा गरेँ र बसेँ अहिले सम्म म ।२।🌷🙏🌺
हिजोको साँझ लक्ष्मीको पूजा खुशीले गरेको
धनकी लक्ष्मी घरकी लक्ष्मी साथैमा पुजेको
शारदा देवी कुनामा बसी पुकार गरेकी
साहित्य तारा ती लक्ष्मी प्यारा नभुल भनेकी ।३।🌷🙏🌺
भुलेर पनि भुलिने हैन ती तीर्थमाधव
गौतम बुध्द जत्तिकै शक्ति बोकेका देवकोटा
नेपाली साहित्य आकाश माथि उदाए सविता
उनकै नाम पारेर लेखेँ प्रशस्त कविता।४।🌷🙏🌺
अमृका बास गलकोट जन्म म हरि शर्माको
घटना भन्छु हिजोको साँझ घरमा घटेको
लक्ष्मीको पूजा शारदा साथ साँझमा गरेको
गोरुको पूजा गर्नेको लागि आसन दिएको ।५।🌷🙏🌺
बिहान उठी पुलुक्क हेरेँ लक्ष्मी त भागिछ्न्
झसङ्ग भएँ सर्वत्र खोजेँ अदृश्य भईछ्न्
सबैको साथ गएर सोधेँ के लक्ष्मी त्यता छन्
कसैले पनि बोलेको छैन कसको साथ छन्।६।🌷🙏🌺
चोरको खुट्टा काट है भनी भनेको के थिएँ
चोरले खुट्टा हत्त न पत्त तानेको भेट्टाएँ
चोरको पत्ता लगाईदिने अनौठो जुक्ति यो
साहित्य तिर प्रयोग गर्दा सफल भेटियो ।७।🌷🙏🌺
धन्यवाद ।
हरि शर्मा
मिशिगन, अमेरिका ।🌷🙏🌺
