तीतोपाटी – नेपालमा पछिल्लो २४ घण्टामा थप १ हजार ९ सय ५४ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार हालसम्म नेपालमा संक्रमितको संख्या १ लाख ६२ हजार ३५४ पुगेको छ ।
त्यसैगरी पछिल्लो २४ घण्टामा २ हजार ९ सय ८१ जना कोरोना संक्रमणबाट निको भएर डिस्चार्ज भएका छन् । योसँगै निको हुनेको १ लाख २१ हजार ८२४ संख्या पुगेको छ ।
मन्त्रालयका अनुसार पछिल्लो २४ घण्टामा जम्मा ८ हजार २४८ पीसीआर परीक्षण भएका छन् भने हाल सम्म पीसीआर विधिबाट १४ लाख ९ हजार २९५ परीक्षणहरु गरिएका छन् ।
पछिल्लो २४ घण्टामा काठमाडाैं उपत्यकामा ८४३ जना कोरोना संक्रमित थपिएका छन् भने संक्रमितहरू काठमाडौंका ६९६ जना, ललितपुरका ११८ जना र भक्तपुरका २९ जना रहेका छन् ।
त्यसै गरि पछिल्लो २४ घण्टामा थप ११ को मृत्यु भएको स्वास्थ्य तथा जनसंख्या मन्त्रालयले जनाएको छ । यो सँगै कोरोनाको कारण मृत्यु हुनेको जम्मा संख्या ८८७ पुगेको छ ।
