बिहानको आठ बज्दा मेलो जोत्न शुरु !
बेलुकीको पाँच बज्दा फुकाउँछु गोरु !
धेरै जसो रोपाइँ त केही दिन बन्द !
जोत्या-जोत्यै गर्दा पनि नसिद्धिने धन्दा ।१।????
मनिटर खेत मेरो किबोर्ड हो हलो !
दुई हात गोरु परे जोत्छु बाँझो मेलो !
राउटर स्विच नामका डल्ला मैले फोर्छु !
पेशाले म इन्जिनियर कतै चित्र कोर्छु ।२।????
जमानाले कोल्टे फेर्दा उन्नत जाते गोरु!
घरमै बसी जोत्न मिल्ने के भनौँ म अरु !
कहिले भारत युरोप मेलो कहिले हङ्कङ तिर।
मेक्सिको र चीन तिरको पार्छु मेलो चिरा ।३।????
अम्रिकाने खेत भने जोत्न अति सारो !
के दिनमा हली लाएँ पर्यो आज गाह्रो !
दिनमा त्यहीँ शान्ति फेरि खाजा लिई आउँछिन्!
फाट्ट-फुट्ट कविताले यता आँखा लाउँछिन्।४।????
मिठो मिठो घाँसतिर लोभिएका गोरु !
कोरोनाको कहरले भएँ बाचूँ मरूँ !
यो चालले बितेका छन् मेरा दिनहरू!
हजुरको के छ कुन्नि सुनौँ न त बरू ।५।????
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिशिगन अमेरिका ।
