Thursday 3rd April 2025

बागलुङको ढोरपाटनमा बाढीपहिरो, कम्तिमा ११ को मृत्यु, दर्जनाै बेपत्ता


तितोपाटी – बागलुङ जिल्लाको ढोरपाटन नगरपालिकामा अविरल वर्षा सँगै बुधबार राती आएको बाढीले कम्तिमा ११ जनाको मृत्यु भएको छ भने दर्जनाै मानिसहरू बेपत्ता भएका छन् भने दर्जनाै घरहरू बगाएका छन् । उक्त नगरपालिकाको वडा नम्बर-१ देखि वडा नम्बर-९ सम्म छुने ठाडो खोलामा बाढी आएकाले कहाँ कहाँ क्षति भएको भनी यकिन गर्न नसकिए पनि विवरण आउने क्रम जारी छ ।

भुजीखोलामा बाढी आउँदा बगाएकामध्ये ११ जनाको शव फेला परेको छ । घटनास्थलमा फेला परेका कसैको पनि पहिचान हुन सकेको छैन । बुर्तिबाङ्गका प्रहरीका अनुसार ११ शब मध्ये ८ पुरुष र ३ महिला रहेका छन् ।

१ देखि वडा नम्बर ९ सम्म छुने ठाडो खोला भएकाले पनि उद्धारमा कठिनाई भएको भण्डारीले बताउनुभयो । बाढीमा पुरिएको अवस्थामा भेटाउन सकिने भएपनि खोला बगाएको अवस्थामा शव भेटाउन समेत मुस्किल हुने देखिएको जानकारी दिनुभयो।

अरिवरल वर्षासँगै गएराती मध्यरातमा आएको बाढीले ढोरपाटन नगरपालिकाको दुवालदेखि घट्टेचौर, सुप्राङ्ग, भुसान्दे, दुनेपंधेरा, सुकेलदुम, लाँकुरीबोट, मङ्गलाटोलसहित खोला किनारका सबै बस्ती बगरमा परिणत भएको छ । सो क्षेत्रमा आएको बाढीले केही साना जलविद्युत आयोजनाको विद्युत गृह, झोलुङ्गे पुल र विद्यालय पनि बगाएको बताइएको छ। यकिन नभए पनि तटीय क्षेत्रका झण्डै ३० घर बगाएको अनुमान गरिएको छ ।

अहिले स्थानीयबासी, नेपाल प्रहरी एवं नेपाली सेनाको टोली उद्धारमा लागेको बताइएको छ ।

 


सम्बन्धित शीर्षकहरु

ज्याक्सन ओस्वाल्ट तपाईंको औसत १२ वर्षको केटा थिएनन्। जबकि उनको उमेरका धेरैजसो केटाकेटीहरू भिडियो गेम खेलिरहेका थिए वा बाइक चलाइरहेका…

प्रधानमन्त्री बेन्जामिन नेतान्याहूले आइतबार भने कि मन्त्रीहरूले हमासमाथि सैन्य दबाब बढाउन रातारात मतदान गरे, गाजा पट्टीमा राखिएका बन्धकहरूलाई मुक्त गर्न…

म्यानमारमा शुक्रबार ७.७ म्याग्निच्यूडको शक्तिशाली भूकम्प गएको छ भने भूकम्पमा परी मृत्यु हुनेको संख्या १६४४ पुगेको त्यहाँको सैनिक सरकारले जनाएको…

प्रतिकृयाहरू
...