Thursday 28th August 2025

नेपालको कोरोना अपडेटः कुल संक्रमित ३३५३३, थप ७ जनाको मृत्यु, १९११९ जना निको भए


तितोपाटी – विश्वव्यापी महामारीको रूपमा संसारलाइ चपेटामा पारेको कोभिड-19 बाट नेपालमा पछिल्लो २४ घण्टामा थप ८५५ जनामा कोरोना संक्रमण पुष्टि भइ कुल संक्रमित संख्या ३३५३३ पुगेको छ भने देश भरका अस्पताल तथा आइसोलेसन सेन्टरमामा १४२५० जना उपचाररत रहेका छन् । त्यसै गरि अहिलेसम्म कोरोनाको कारण मर्नेको संख्या १६४ पुगेको छ । आइसोलेसनमा रहनेहरू मध्येमा ५६६९ जना होम आइसोलेशनमा छन् भने बाँकी ८५८१ जना संस्थागत आइसोलेशनमा छन् । देशको राजधानी काठमाडाैं उपत्यकामा पछिल्लो २४ घण्टामा २३२ जनामा कोरोना संक्रमण देखिएको छ । पछिल्लो २४ घण्टामा ३१३ जना कोरोना जितेर घर फर्केका छन् भने ७ जनाको मृत्यु भएको छ ।

स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार मंगलबार अपरान्ह सम्म कुल १९११९ जना कोरोना संक्रमणबाट निको भएर घर फर्किएका छन् । त्यसै गरि मृमृत्यु हुनेमा काठमाण्डूका एक महिला सहित तीन जना एवम् सिरहा, पर्सा, धनुषा र रुपन्देहीका एक-एक जना रहेका छन् भने अहिलेसम्म कोरोनाको कारण मृत्यु हुनेको संख्या १६४ पुगेको छ ।

हालसम्म देशभर पीसीआर विधिबाट ६ लाख २१ हजार ९ सय १ जनाको परीक्षण भएको  छ भने हाल क्वारेन्टाइनमा १० हजार ४ सय ५३ जना रहेका छन् भने भेन्टिलेटरमा १५ जना उपचाररत रहेका छन् ।

विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म २ करोड ३८ लाख ३७ हजार भन्दा बढि संक्रमित भइ १ करोड ६३ लाख ८० हजार भन्दा बढिले स्वास्थ्यलाभ गरिसकेका छन् भने ८ लाख १७ हजार भन्दा बढिको ज्यान गइसकेको छ ।


सम्बन्धित शीर्षकहरु

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

वासिङ्टन: राष्ट्रपति डोनाल्ड ट्रम्पले नजिकको राजनीतिक सहयोगी सर्जियो गोरलाई भारतका लागि अमेरिकी राजदूतको रूपमा नियुक्त गरेका छन्। नयाँ दिल्लीसँगको सम्बन्धमा…

कुवैत शहर, अगस्ट २३ आन्तरिक मन्त्रालय अन्तर्गतको लागूऔषध नियन्त्रण सामान्य विभाग (DCGD) निर्देशक ब्रिगेडियर जनरल मोहम्मद कबाजार्ड र उपनिर्देशक ब्रिगेडियर…

प्रतिकृयाहरू
...