Thursday 3rd April 2025

सिन्धुपाल्चोकको लिदी पहिरो अपडेटः २८ घर पुरिए, ३५ जना बेपत्ता(फोटो फिचर सहित)


९ जनाको जिवितै उद्दार, गम्भीर घाइते ५ जनालाइ सेनाको हेलिकोप्टरबाट काठमाडाैं ल्याइयो

सिन्धुपाल्चोककाे जुगल गाउँपालिका–२ लिदीमा शुक्रबार बिहान साढे ६ बजे अविरल वर्षासँगै आएको पहिरोमा परेर कम्तिमा ३५ जना मानिस बेपत्ता भएका छन् । पहिरोले २८ घर पुरेको छ । नौ जना घाइते भएका छन् । गम्भीर घाइते भएका ५ जनालाइ सेनाको हेलिकोप्टर मार्फत उपचारको लागि काठमाडाैं ल्याइएको छ ।

घटनास्थलमा स्थानीय जनता, जनप्रतिनिधि, जनपद प्रहरी, सशस्त्र प्रहरी र सेनाको टोलीले उद्दार कार्य अगाडि बढाएका छन् । यसै बिच सभामुख अग्निप्रसाद सापकोटा पहिरो निरीक्षणका लागि सिन्धुपाल्चोकको लिदी पुगेका छन् । नेपाली सेनाको हेलिकोप्टरमार्फत सापकोटा पहिरो गएको क्षेत्रको निरीक्षणका लागि गएका हुन् ।

१७२ घर धुरी भएको लिदी गाउँमा २८ घरका ३५ मानिस पहिरोले पुरिएको भने पनि घटनाको पूर्ण विवरण आउन बाँकी नै छ तर स्थानीयको भनाइ अनुसार कम्तीमा ४० घर पुरिएका छन् । त्यतिकै संख्यामा मानिस पनि पुरिएको अनुमान छ । ठूलो पहिरो गएको र गाउँको बीचमा भएकोले यथार्थ खुल्न बाँकी छ ।

पहिरोको उच्च जोखिममा सिन्धुपाल्चोकका विभिन्न स्थानमा रहेका यसअघि पनि  पहिरो खस्दा ठूलो मानवीय क्षति भएको थियो भने अझै धेरै हराइरहेका छन् ।


सम्बन्धित शीर्षकहरु

ज्याक्सन ओस्वाल्ट तपाईंको औसत १२ वर्षको केटा थिएनन्। जबकि उनको उमेरका धेरैजसो केटाकेटीहरू भिडियो गेम खेलिरहेका थिए वा बाइक चलाइरहेका…

प्रधानमन्त्री बेन्जामिन नेतान्याहूले आइतबार भने कि मन्त्रीहरूले हमासमाथि सैन्य दबाब बढाउन रातारात मतदान गरे, गाजा पट्टीमा राखिएका बन्धकहरूलाई मुक्त गर्न…

म्यानमारमा शुक्रबार ७.७ म्याग्निच्यूडको शक्तिशाली भूकम्प गएको छ भने भूकम्पमा परी मृत्यु हुनेको संख्या १६४४ पुगेको त्यहाँको सैनिक सरकारले जनाएको…

प्रतिकृयाहरू
...