नबुझे कुरा पछाडि फेरि पर्छ कि लठारो ।
आफ्नो त बानी परेर गयो हान्नको झटारो । १ ।
जे देख्छु भन्छु जस्ताको तस्तै फरक नगरी ।
पर्गेल्ने हैन सानो र ठूलो पटक्कै नडरी । २ ।
झटारो गई लाग्छ कि कतै बाच्छियुँ गोलामा ।
जे पर्ला टर्ला के चिन्ता लिनु नश्वर चोलामा । ३ ।
फुर्सद मिल्यो कोरोना निहुँ कविता कोरेको ।
मनमा उठ्ने अनेक भाव टिपेर जोडेको । ४ ।
जागिर खाने गुनासो गर्छन् जागिर गुमेको ।
बिज्नेस गर्ने गुनासो गरे प्रशस्त घाटाको । ५ ।
कसैको छैन हँसिलो मुख कोरोना कारण ।
कसरी गर्ने गुजारा हामी भरण पोषण । ५ ।
अनित्य चोला बितेको राम्रो अरुको सेवामा ।
नभुले राम्रो लडाइँ गरी स-साना कुरामा । ६ ।
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिसिगन अमेरिका ।
