गजल
भानु बन्न सजिलो छ भानुभक्त हुने को ?
लोकको हित निम्ति यहाँ आसक्त हुने को ?
साँच्चै सम्बेदनशील छौ कि मुख मात्रै हो
शब्द राम्रो राष्ट्रियता तर देशभक्त हुने को ?
मोतीले दिए भानुलाई आदिकवि उपमा
भानुभक्त झैं देशप्रेमी राष्ट्रभक्त हुने को ?
अनुसरण घाँसीका सुन्दर सरल बिचार
बुझेर मूलभेद देश निम्ति शसक्त हुने को ?
अनुसरण केहि गरेर मात्रै पनि घाँसीको
उत्प्रेरित पो हुनुपर्छ निराश,बिरक्त हुने को ?
-राम भण्डारी
