केहि मुक्तकहरू
१
वर्षियो झरझर फेरि उद्दण्ड पो के के गर्ने हो ।
निर्दोष जन माथि फेरि बितण्डा के के गर्ने हो ।
घर भित्र बाढी पहिरो बाहिर कोरोना कहर छ
चारै प्रहर त्रासैत्रास भो बाँच्न पो के के गर्ने हो ।
२
दर्दनाक छन् तड्पिएर बितेका दिनहरु ।
चोटैचोट माथि अभावले थिचेका दिनहरु ।
खोई कस्ले देख्छ र यहाँ गरीबको चित्कार
अनि भोकले खाली पेट मिचेका दिनहरु ।
३
मिठा शब्द सुन्दा सबै कल्पनामा बग्छन् यहाँ ।
मौका हेरी उल्टै फाईदा उठाउन सक्छन् यहाँ ।
होस गर है आफ्नै छाँयाले पनि अध्यारोमा
चिने पनि नचिने झैं आफैं लाई ठग्छन् यहाँ ।
राम भण्डारी
