मुक्तक
१
ब्रम्हा बिष्णु सहित गुरु महान हुन्छन् ।
सद्गुरुको ज्ञानले गुणी सन्तान हुन्छन् ।
दिक्षा घरमै मिल्दछ शिक्षा गुरुकुलमा
त्यसैले माता-पिता गुरु समान हुन्छन् ।
२
जे खोजियो मनले त्यो भेटिन्न कहिल्यै ।
जे सोचिन्छ त्यो आँखाले देखिन्न कहिल्यै ।
जिबन भनेको त यस्तै रहेछ क्यार
जे लेखियो भाग्यमा त्यो मेटिन्न कहिल्यै ।
३
खोजें गजल का हरफमा भेटिएन कहिं ।
हेरिरहें क्षितिज पारि केहि देखिएन कहिं ।
कल्पनामा बग्दैछु सावनको भेल सगै तर
वर्षौंको गहिरो प्यास अझै मेटिएन कहिं ।
४
उस्को चाहना टुक्रेको मुटु सिलाउन लाई ।
कहिल्यै नपरोस परेली भिजाउन लाई ।
कस्तो बिडम्बना दैव लागेपछि उसलाई
सोच्दै डुब्न थाल्यो धर्तिमा बिलाउन लाई ।
राम भण्डारी
