“मन पर्ने मान्छे”
-राम भण्डारी
हजारौंको भिडमा तिमी एक मन पर्ने मान्छे ।
लाखौं जुनी जिउनु तिमी साह्रै मन पर्ने मान्छे ।।
मरुभूमिमा बसन्त ऋतु वर्षियो तिम्रो साथले
मेरो जिबनकै तिमी अचाक्ली मन पर्ने मान्छे ।।
भत् भति पोलीरहेको मेरो मुटु सम्हालेर
चन्द्र जस्तै सित्तल दिने तिमी मन पर्ने मान्छे ।।
कोमल हातका स्पर्शले मन तरङ्गित बनाउदै
तिम्रै आँखामा संसार भुलाउने मन पर्ने मान्छे ।।
तिम्रो समिपको न्यानोपनमा हराएको बेला
मेरो गल्तीमा माफी दिने मेरो मन पर्ने मान्छे ।।
