“हामी श्रमिकहरूलाई”
-राम भण्डारी
कतै देखिंदैन देशको अंग ठानेको हामी श्रमिकहरुलाई ।
देशकै बिडम्बना! हो भन्छु म, यो देश हाँक्नेहरुलाई ।।
जोगी जुन आए पनि, चिरेका कान सहित छिरेकाहरुलाई ।
भित्र पुरानै कमिज, त्यस माथि राष्ट्रिय झन्डा भिरेकाहरुलाई ।।
मे दिवस, तारे होटल, भब्य कार्यक्रम गरिन्छ यहाँ गर्नलाई ।
“रेमिट्यान्सले देश चलेको छ” मात्रै तेसैदिन भनिन्छ भन्नलाई ।।
कुर्लिन्छन् त्यसदिन उफ्रेर, अर्को दिन श्रमिक नचिन्नेहरुलाई ।
भुलेर खाली खुट्टा, यहाँ जुत्ता बिना नहिड्ने हरुलाई ।।
सुनिदिनुहोस हाम्रो अनुरोध, पी-मर्कामा परेकाहरुलाई ।
दिनुहोस् उचित निदान, हरदम श्रमजीवी गरेकाहरुलाई ।।
पौरखी हातहरुले सुन फलाउन पसिना रोप्नेहरुलाई ।
आफ्नै बलिदान दिई पहरामा ईतिहास खोप्नेहरुलाई ।।
जाँच्ने कसले, नाप्ने को हो? चस्मा भित्र दृष्टि भएकाहरुलाई ।
दृढ रहौं, निभ्न नदिउँ सबै मिलेर आशाको किरणहरुलाई ।।
