Monday 17th March 2025

नेपालमा कोरोना संक्रमितको कुल संख्या ३७६२ पुग्यो, थप एक जनाको मृत्यु


तितोपाटी – विश्वव्यापी महामारीको रूपमा विश्वलाइ नै हल्लाइरहेको कोभिड-19 को प्रकोपबाट पछिल्लो २४ घण्टामा थप ३१४ जनामा कोरोना संक्रमण पुष्टि भएको छ भने २१ जनाले कोरोना जितेर घर फर्केका छन्  र थप १ जनाको ज्यान गएको छ ।  याे सँगे कोरोना संक्रमण हुनेको कुल संख्या ३७६२ पुगेको छ भने अहिलेसम्म ७१ जिल्लामा कोरोनाभाइरस फैलिसकेको छ । हाल ३२६० जना बिभिन्न अस्पतालहरू तथा अाइसोलेसन सेन्टरमा उपचाररत रहेको स्वास्थ्य तथा जनसंख्या मन्त्रालयको मिडिया ब्रिफिङमा जनाइएको छ ।

स्वास्थ्य तथा जनसंख्या मन्त्रालयका प्रवक्ता प्रा. डा. जागेश्वर गाैतमको अनुसार सोमबार सम्म कुल ४८८ जना कोरोना संक्रमणबाट निको भएर घर फर्किएका छन् । त्यसैगरी वालिङ स्याङ्जा घर भइ पोखराको आइसोलेसन सेन्टरमा भर्ना भएका ५८ वर्षीय पुरूषको उपचारका क्रममा मृत्यु भएको हो । हालसम्म देशभरका २१ पटा ल्याबबाट पोलिमरेज चेन रियाक्सन भनिने पीसीआर विधिबाट देशभरि १००९७१ परीक्षण भएको  तथा अारडिटी परिक्षणबाट १५६९९१  जनाको परिक्षण गरिएको छ भने  क्वारेन्टाइनमा १ लाख ६६ हजार ६६८ जना रहेका छन् ।

विश्वव्यापी महामारीको रूपमा संसारभर फैलिरहेको कोरोना भाइरसबाट अहिलेसम्म ७१ लाख १४ हजार भन्दा बढि संक्रमित भइ ३४ लाख ७३ हजार भन्दा बढिले स्वास्थ्यलाभ गरिसकेका छन् भने ४ लाख ६ हजार भन्दा बढिको ज्यान गइसकेको छ ।


सम्बन्धित शीर्षकहरु

राप्रपाका नेता नवराज सुवेदीकाे संयोजनमा तेस्रो जनआन्दोलनको घोषणा गरिएको छ । राजसंस्था पुनः स्थापनका लागि ठुला दलहरू छिटो नवीन समझदारीमा…

यमनमा इरान समर्थित हुथी विद्रोहीमाथि अमेरिकाले भिषण आक्रमण शुरु गरेको छ । अमेरिकाले हुथी विद्रोहीहरूलाई सैन्य र व्यावसायिक जहाजहरूमा आक्रमण…

तीतोपाटी - कल्याणकारी नेपाली युवा समाज कुवेतको चौथो अधिवेशन आगामी ४ अप्रिल २०२५ शुक्रबारका दिन फरवानिया स्थित सेफ नाैसाद सिग्नेचर…

प्रतिकृयाहरू
...