महामारी बिरूद्ध लडाैं
-राम भण्डारी
हामीलाई यो धङ्धङीले कहिले छोड्ला गुन्जिएको एउटै धुन ।
टिभी, रेडियो, पत्रिका, रिङ्टोन मोबाइलमा बजिरहन्छ पुन: ।।
घर घरमा यस्कै चर्चा,वाक्क लाग्छ,वरिपरि घेरिए झैं लाग्छ ।
छिमेकीले बोलाए “सर के छ आरामै” ? सोधेजस्तो लाग्छ ।।
मैंले भने “कोरोनाको” ? फेरि मन चस्स भएझैं लाग्छ ।
प्रतिउत्तर गरें फेरि कोरोना अब छिट्टै पृथ्वीबाट भाग्छ ।।
मानौ मन मस्तिष्क खाली भएको छ कोभिडको ताण्डवले ।
अब के होला अगाडि सोच्दासोच्दै कसरी थाम्छ ब्रह्माण्डले ।।
करोडौं तड्पिएका छन् यहाँ, बाँच्न काेभिड-19 सँग भागेर ।
लाखौं अस्पतालमा कोभिड बिरुद्ध जित्दै मृत्युलाइ नाघेर ।।
लड्दालड्दै हार स्विकारी गए आफन्त एक्लो पारेर ।
छोडी गए कत्ति त कहिल्यै नफर्किने गरी माया मारेर ।।
यो दुःखको समयमा आत्माविश्वास लिइ अघि बढौं ।
संसारकै मनव जगत एक भई माहामारी बिरूद्ध लडौं ।।
