Tuesday 5th August 2025

कविताः प्रकृति -राम भण्डारी


“प्रकृति”
-राम भण्डारी

बसन्त ऋतु थियो कोकिल कण्ठ मनमा ।
नाचि मयूर पंक्षी,कोईली कुहू-कुहू बनमा ।।

फेरियो पालुवा पैदावार झूले फूल सबमा ।
बेरियो हरित लतिका,कर्याङ्कुरुङ नभमा ।।

लिई आनन्द मग्न थिए प्रकृतिको काखमा ।
बसन्तले बोलाई गृष्म ऋतु लाई पासमा ।।

नहुँदै अन्त्य,बसन्त नजर नियतिको जनमा ।
चिन्ता बढ्यो गृष्ममा पनि चैन रहेन तनमा ।।

खेती किसानी मेहेनतले पाखुरीको बलमा ।
बे‌ला यो मानो रोपी मुरि उब्जाउने जगमा ।।

वर्षा झरझर छिनमै,रवि रोषीझैं जलथलमा ।
भएका तयारी माटो,बिजन,पानी तलाउमा ।।

त्रासले कहालिदो,मेहनती थुनिए घरमा ।
बदलियोस समय पुरानै चुनिएका पलमा ।।

धैर्य गरौं फर्किने छौं पुनः बर्षाऋतु सम्ममा ।
बनोस जिवन यापन सहज पृथ्वी तलमा ।।

सामान्य बन्दै जावस जिवन स्वच्छ मनमा ।
पुकारौ ईश्वर मनका श्वेत फूल लिई करमा ।।


सम्बन्धित शीर्षकहरु

टिम दर्ता र टाईसिट १५ अगष्तमा बिकास रोका मगर - नेपाल मगर संघ शाखा कुवेतले शहिद लखन थापा मगर रनिङ…

यो टेलिस्कोपले ब्रह्माण्डमा नदेखिने कुराहरू पनि देखाउनेछ जुन २०२५ मा वाशिंगटन डीसीमा आयोजित पत्रकार सम्मेलनको प्रत्यक्ष प्रसारणको क्रममा केही अद्भुत…

अमेरिकामा एक दम्पतीले ३० वर्षभन्दा बढी समयदेखि फ्रिजमा राखिएको भ्रूणबाट बच्चा जन्माएका छन्। यो सबैभन्दा पुरानो भ्रूण हो जसबाट बच्चा…

प्रतिकृयाहरू
...