Monday 17th March 2025

दक्षिण एसियाली खेलकुद(साग) समापन, २०६ पदक सहित नेपाल दोश्रो स्थानमा


तितोपाटी – दक्षिण एसियाका लागि मिनी ओलम्पिक मानिने दक्षिण एसियाली खेलकुद(साग)काे १३ औं संस्करण आजबाट सकिएको छ । प्रधानमन्त्री केपी शर्मा ओलीको भिडियो सन्देश मार्फत समापन गरिएको यो प्रतियोगिता राष्ट्रपति विद्यादेवी भण्डारीले उद्घाटन गरेकी थिइन् । गत डिसेम्बर १ देखि आज डिसेम्बर १० सम्म चलेको र एकै साथ काठमाण्डाैं, पोखरा र जनकपुरबाट एकै साथ खेलाइएको यो प्रतियोगितामा आयोजक राष्ट्र नेपालले ५१ स्वर्ण सहित दोस्रो स्थानमा प्रतियोगिता अन्त्य गरेको छ। नेपालले ६० रजत र ९५ कास्य सहित कुल २०६ पदक जितेको छ।

पहिलो स्थानमा रहेको भारतको कुल ३१२ पदक रहेको छ। जसमा १७४ स्वर्ण ९३ रजत र ४५ कास्य रहेको छ।

यता ४० स्वर्ण जितेको श्रीलंका तेस्रो स्थानमा छ। उसले ८३ रजत १२८ कास्य सहित २५१ पदक जितेको छ। चौथो स्थानाम पाकिस्तान छ। पाकिस्थानले कुल ३१ स्वर्ण, ७१ रजत र ५९ कास्य सहति कुल १३१ पदक जितेको छ। बंगलादेशको भने १९ स्वर्ण छ। बंगलादेशले ३२ रजत र ८७ कास्य जितेको छ। उसको कुल १३८ वटा पदक रहेको छ। प्रतियोगितामा माल्दिभ्स र भूटान कमजोर देखिएका छन्। माल्दिभ्सले १ स्वर्ण ४ कास्य सहित जम्मा ५ वटा पदक जितेको छ भने भूटान स्वर्ण विहीन बनेको छ। भूटानले रजत सात वटा र कास्य १३ वटा सहित २० पदक जितेको छ।

खेलकुद सामाग्रीको अभावमा पनि यस पटकको सागमा नेपाली खेलाडीहरूले उत्कृष्ट प्रदर्शनका साथ पदकहरू जित्न सफल भए । यस पटकको साग नेपालकाे फितलो तयारी र ब्यवस्थापन हुँदाहुँदै पनि नेपालले प्रतियोगितालाइ भव्य र सभ्य मात्र बनाएन खेलाडीले दिलाएको सफलताले पनि अविष्मरणीय रह्यो । १३ औं संस्करण समापन भए सँगै सागको अबको १४ औं संस्करण आयोजना गर्ने जिम्मा पाकिस्तानले पाएको छ ।


सम्बन्धित शीर्षकहरु

राप्रपाका नेता नवराज सुवेदीकाे संयोजनमा तेस्रो जनआन्दोलनको घोषणा गरिएको छ । राजसंस्था पुनः स्थापनका लागि ठुला दलहरू छिटो नवीन समझदारीमा…

यमनमा इरान समर्थित हुथी विद्रोहीमाथि अमेरिकाले भिषण आक्रमण शुरु गरेको छ । अमेरिकाले हुथी विद्रोहीहरूलाई सैन्य र व्यावसायिक जहाजहरूमा आक्रमण…

तीतोपाटी - कल्याणकारी नेपाली युवा समाज कुवेतको चौथो अधिवेशन आगामी ४ अप्रिल २०२५ शुक्रबारका दिन फरवानिया स्थित सेफ नाैसाद सिग्नेचर…

प्रतिकृयाहरू
...