प्रहरीले काठमाडौंको स्वयम्भूमा दुई गोली हानेर एक लुटेरालाई नियन्त्रणमा लिएको छ । प्रहरीले स्वयम्भूको विजेश्वरी हाउजिङको झिँगु क्याफेमा दुई गोली हानेर लोप्साङ भनिने विजय लामालाई पक्राउ गरेको हो । महानगरीय अपराध महाशाखाका प्रमुख एसएसपी 
सहकुलबहादुर थापाका अनुसार उनलाई घुँडामुनि गोली हानेर पक्राउ गरिएको हो । उनीसँगै अमृत तामाङ पनि पक्राउ परेका हुन् ।
लोप्साङको काठमाडौंको राष्ट्रिय ट्रमा सेन्टरमा उपचार भइरहेको छ । रामेछापको गेलु घर भएका लोप्साङ धम्क्याउने र लुटपाट गर्ने कार्यमा सक्रिय रहेको एसएसपी थापाले बताएका छन् ।
-नयाँपेजबाट
