तितोपाटी – सरकारले गत फागुनमा नेत्र विक्रम चन्द(विप्लव) नेतृत्वको नेकपालाइ प्रतिबन्धको घोषणा गरेपछि क्रुद्ध भएको चन्द समूहले हिँजो राजधानीमा श्रृंखलावद्ध विस्फोट गराएपछि संघीय राजधानी काठमाण्डाैंलाइ नै उसले पहिलो निशाना बनाएको स्पष्ट भएको छ । सोमबार पनि मुलुकका विभिन्न स्थानमा बम भेटिनु र सवारीसाधनमा आगजनी भएपछि यसले सर्वसाधारणमा भय सिर्जना गराएको छ ।
यसै बिच गृहमन्त्री राम बहादुर थापा ‘वादल’ ले संघीय संसद प्रतिनिधिसभा बैठकलाइ सम्बोधन गर्दै ’ ले नेत्र विक्रम चन्द ‘विप्लव’ नेतृत्वको नेकपाले जनसेनाको रुपमा चारवटा कम्पनी निर्माण गरिसकेको सरकारी खुलासा गरेपछि विप्लव समूहको मुख्य निशानामा यतिबेला राजधानी उपत्यका रहेको पुष्टि भएको छ । गृहमन्त्री थापाले केही समयदेखि यता विप्लव नेतृत्वको नेकपा संविधान, राज्यव्यवस्था विरुद्ध र शान्ति विरोधी गतिवधि गर्दै आएकाो र यो गतिविधिको लागि नेकपाको नामको पार्टी गठन गरेका आरोप लगाए । नेकपाले सशस्त्र र गैरकानूनी गतिविधि सञ्चालन गर्दै आएको बताउँदै थापाले निर्वाचनको बेलादेखि शुरु भएको गतिविधिको निरन्तरता अहिलेसम्म देखिएको बताए । उनले हिजो र आज देशभर आगजानी र विस्फोटका घटनाहरु भएको पनि बताए । आइतबार भएको विस्फोटमा हालसम्म चार जनाको मृत्यु भएको झण्डै आधा दर्जन घाइते भएको पनि गृहमन्त्री थापाले जानकारी दिए । मृत्यु हुने सबै विप्लवको संगठनसँग सम्बन्धित व्यक्ति रहेको र घाइते पनि अधिकांश सोही समूह रहेको बताए ।
उता नेत्रविक्रम चन्द समूहले मुलुकभर भएका विस्फोटनको जिम्मा लिदै सरकार नागरिक स्वतन्त्रता, वाक स्वतन्त्रता र मानवअधिकारका विषयमा निरंकुश बन्दै गइरहेको भन्दै त्यस विरुद्ध आफ्नो पार्टीले सङ्घर्ष जारी राख्ने उल्लेख गरेको छ ।
सोमबार उक्त समूहका महासचिव नेत्रविक्रम चन्दले विज्ञप्ति जारी गर्दै प्रधानमन्त्री केपी शर्मा ओली र गृहमन्त्री रामबहादुर थापा नेतृत्वको सरकारले गैरकानुनी, गैरराजनीतिक र कायरतापूर्ण अमानवीय हर्कतको गरेको आरोप लगाएका छन् ।
सरकारी दमन, गिरफ्तार, झुटा मुद्दा र हत्याले इतिहासमा कहिल्यै जनताको मुक्तिको आन्दोलन नरोकिने विज्ञप्तिमा उल्लेख छ । चन्दले यस्ता क्रियाकलाप तुरुन्त बन्द गर्न र गिरफ्तार नेता/कार्यकर्ताहरूलाई बिना सर्त स-सम्मान रिहा गर्न जोडदार माग गरेको छ । कार्यकर्ता रिहा नगरे सशक्त प्रतिरोध सङ्घर्ष गर्न बाध्य हुने र त्यसको जिम्मेवार सरकार आफैँ हुनुपर्ने चेतावनीसमेत दिएका छन् । साथै, आइतबार बम विस्फोटनमा मृत्यु भएका तीन जना आफ्नो पार्टी कार्यकर्ता भएको विज्ञप्तिमा उल्लेख छ ।
हिँजो आइतबार बुढानिलकण्ठ नगरपालिका–४ सुकेधाराको ढलाने पुल नजिक जस्ताले छाएको एक तले घरमा रहेको महोत्तरी घर भएका जिव कुमार ठाकुरको पसलभित्रको कोठामा बम विस्फोट भएको थियो । घटनामा एक पुरुषको घटनास्थालमा नै र घाइते ६ मध्ये २ जनाको उपचारको क्रममा मृत्यु भएको थियो भने घाइतेहरुमा कपन घर बताउने हरि खड्का, सुरेन्द्र महर्जन र एक जना नाम नखुलेका व्यक्ति रहेका छन् । घटनामा सैलुन पसलमा काम गर्ने छोटु ठाकुरको वीर अस्पतालमा उपचार भइरहेको छ ।
त्यसै गरि घट्टेकुलोमा भएको विस्फोटमा बझाङका २७ वर्षीय प्रज्वल शाहीको मृत्यु भएको थियो भने घटनामा घाइते भएका रुकुम जिल्लाका २६ वर्षीय रविन केसीको ट्रमा सेन्टरमा उपचार भइरहेको छ ।
त्यस्तै, आइतबार साँझ नै चन्द्रागिरी–३ मा भएको विस्फोटमा थानकोट वृत्तले मोटरसाइकलमा प्रेसर कुकरको टुक्रासहित घाइते दुई जनालाई फेला पारेको थियो भने घाइते हुनेमा ललितपुरका ३० बुद्ध लामा र विक्रम लामा रहेका छन् । बुद्धको वीर अस्पताल र विक्रम लामाको शहीद स्मारक अस्पतालमा कलंकीमा उपचार भइरहेको छ ।
