तितोपाटी – बैतडीको देहीमाण्डौबाट गिरेगाडा जाँदै गरेको ग १ च ४९२१ नम्बरको जिप दुर्घटना हुँदा ३ जनाको मृत्यु हुनुका साथै अन्य ३ जना घाइते भएका छन्। आइतबार बिहान साढे ११ बजे दशरथचन्द नगररपालिका–११, नानीगाडमा जिप दुर्घटना भएको जिल्ला प्रहरी कार्यालय बैतडीले जनाएको छ।
दशरथचन्द नगरपालिका–१० बराकोटका स्थानीय देउताल मन्दिरमा पुजाको लागि गएका थिए। मृत्यु र घाइतेको ठेगाना खुल्न नसकेको जिल्ला प्रहरी प्रमुख डिएसपी नेत्रमणी गिरीले बताए। सडकबाट करिब डेढ सय मिटर तल जिप खस्दा तिनै जनाको घटनास्थलमा मृत्यु भएको हो। घाइतेलाई उपचारको लागि जिल्ला अस्पताल ल्याउँदै गरेको जिल्ला प्रहरी कार्यालयले जनाएको छ ।
