तीतोपाटी-रुपन्देहीको देवदह नगरपालिका घोडाहा र भलुहीको बीचमा पूर्वबाट पश्चिम आउँदै गरेको लु ३२ प ८१४८ नम्बरको मोटरसाइकल र सुनवललर्फ जाँदै गरेको लु २ ख ३५४७ नं को टिपर ठाेक्किदा मोटर साइकल चालकको मृत्यु भएको छ । पाल्पाबाट चुनढुङ्गा बोकेर आएको टिपरले ठक्कर दिँदा अन्दाजी २३ बर्षिय एक युवाको घटनास्थलमै मृत्यु भएको हो।
प्रहरीले टिपर चालक प्रहरीको नियन्त्रणमा लिएर घटनाबारे थप अनुसन्धान गरिरहेको छ । मृतकको शव क्षतविच्छेद अवस्थामा रहेकाले पहिचान हुन नसकिको र पोष्टमार्टमको लागि बुटवलको लुम्बिनी अञ्चल अस्पतालमा राखिएको प्रहरीले जनाएको छ ।
