Wednesday 12th December 2018

श्रृंखलाले “मल्टिमिडिया अवार्ड” र “व्युटी विद पर्पस अवार्ड” जितिन, पुगिन टप ३० मा


तितोपाटी – मिस नेपाल श्रृङ्खला खतिवडा मिस वर्ल्डको अन्तिम ३० मा प्रवेश गरेकी छिन्। सोमबार भएको मल्टिमिडिया अवार्ड जित्दै श्रृङ्खलाले अन्तिम ३० मा स्थान सुरक्षित गरेकी हुन्। यसअघि श्रृङ्खला हेड टु हेड च्यालेन्जमा सिंगापुरसँग पराजित भएकी थिइन्।

मल्टिमिडिया अवार्डका लागि नेपालसहित केन्या, चीन, पोर्टो रिको र बेलायत सान्या टुरिजम भिडियो च्यालेञ्जको उत्कृष्ट ५ मा परेका थिए। त्यसमध्ये ओभरअल मल्टिमिडिया फाइनालिस्टमा नेपाल, मेक्सिको र केन्याले स्थान बनाएका थिए।

‘ब्युटी विद पर्पस’ का लागि हरेक प्रतिस्पर्धीले कुनै प्रभावकारी परियोजनामा काम गर्नुपर्ने हुन्छ । शृंखलाले गृहजिल्ला मकवानपुरमा रहेको चेपाङ बस्तीमा एउटा स्वास्थ्यचौकी र अन्य भौतिक पूर्वाधार निर्माणमा सहयोग गरेकी थिइन् ।

उनको यही परियोजनाले उनलाई उक्त अवार्ड जिताएको हो । यसअघि सन् २०१३ मा नेपालकै ईशानी श्रेष्ठको ‘प्रोजेक्ट स्माइल’ ले ‘ब्युटी विद पर्पस’ जितेको थियो ।

मोब्स्टार नामक मोबाइल एप्लिकेसनमार्फत दिनहुँ लाखौँ भोट पाएका कारण ‘मल्टी मिडिया’ को अवार्ड पनि उनकै पोल्टामा परेको हो । उनलाई भोट गर्न अत्यधिक डाउनलोड गरिएको हुँदा यो एप्लिकेसन गत साता नेपालमा पहिलो नम्बरमा ट्रेन्डिङमा थियो ।

शृंखलाले अवार्ड जितेपछि सोमबार साँझ आफ्नो इन्स्टाग्राम स्टोरीमा आफू भावविह्वल भएको भिडियो पोस्ट गरेकी थिइन् । ‘रुँदारुँदा आँखा सुन्निन लागिसक्यो’ भन्दै उनले खुसी साटेकी थिइन् । ‘मल्टी मिडिया’ को अवार्ड हात पारेको सूचना पनि उनले यसै गरी दिएकी हुन् । यी अवार्ड जितेसँगै २३ वर्षे नेपाली सुन्दरी मिस वल्र्डको उत्कृष्ट ३० मा पर्न सफल भएकी छन् ।


Loading...
सम्बन्धित शीर्षकहरु

तीतोपाटी-राष्ट्रिय सङ्गीतकर्मी सङ्घका अध्यक्ष तथा चर्चित गायक  राजेन्द्र कुमार कार्कीको नयाँ गित चोयाको डोको बजारमा सार्वजनिक भएको छ।दमौलीमा गेट,पापी सन्सार,माला…

तितोपाटी - काठमाडौंमा अस्थायी रुपमा सञ्चालनका लागि भनेर ल्याइएका विद्युतीय बस त्यसै थन्किएका छन् । प्रधानमन्त्री केपी शर्मा ओली आफैंले तामाझामका…

तितोपाटी - मंगलबार राति फ्रान्समा एक क्रिसमस बजारमा बन्दुकधारीले गोली चलाउँदा ४ जनाको मृत्यु भएको छ भने दर्जनभन्दा बढी घाइते भएका…

प्रतिकृयाहरू