हरि कृष्ण न्यौपाने- तितोपाटी डटकम- कुवेतमा केही दिन देखी परेको अप्रत्याशित बर्षाका कारण ठुलो भौतिक क्षती भएको छ।हिजो नोभेम्बर ९, शुक्रबारको बर्षाका कारण २ जनाको ज्यान गएको छ। गत बुधवारको भारी बर्षात र बाढीको कारण बिहीवार कुवेत सरकारले सरकारी बिदा दिएको थियो भने फेरी २४ घण्टा नबित्दै शुक्रबार बेलुकी ठुलो बर्षा,हावाहुरी चलेकोले जनजिबन कस्टकर हुनुको साथै ठुलो भौतिक क्षति भएको हो ।
कुवेतको अनलाईन पोर्ट आइमानमातमा बताइए अनुसार हिजोको भारी बर्षाको कारण एक बेदुन कुवेती नागरिक र एक इजिप्सियन नागरिकको मृत्यु भएको हो भने सड्कमा ढल पस्नाले र अत्याधिक बर्षात पछीको बाढिका कारण धेरै सबारी साधनहरु, सडक, पुल तथा केही घरहरुमा ठुलो भौतिक क्षती भएको हो । अहिले सम्म के-कति भौतिक क्षती भएको एकिन नभए पनि पुरै कुवेतमा जन-जिबनमा असर परेको तथा सडकमा यात्रारत धेरै जना ३-४ घण्टा सम्म जाममा परेका थिए । यसै बिच कुवेत सरकारको सम्बन्धित निकाएले बढी बाढी आएका सडकहरु बन्द गराएका थिए र आपतमा परेका मनिसहरुलाई उद्दार गरेका थिए ।
कुवेत सरकारका सम्बन्धीत निकाएको आकस्मिक बैठकले गत बुधवारको बर्षात पछी सडकमा अाएको अप्रत्यासित बाढीको कारक तत्व कमजोर सडक र ढल तथा पुलहरु रहेको भन्दै सम्बन्धित निकाएका केही प्रमुख तथा मुख्य पात्रहरुलाई निलम्बन गर्ने निर्णय गरी सकेको छ।
यसै बिच हिजो कुवेतमा आएको ठूलो बर्षाको कारण धेरैं ठाऊमा बाढीका कारण २ जनाको मृत्यु र ठूलो भौंतिक क्षतिका भएको तथा आज पनि ठूलो पानी र हावा-हुरी आऊन सक्ने सम्भावना रहेको हुँदा अत्यावश्यक काममा बाहेक बाहिर ननिस्कन सबैलाई कुवेतका सम्बन्धित निकायले सचेत गराएका छन। www.titopati.com तथा कोसेली समूह कुवेत सबैलाई सुरक्षीत रहन आग्रह गर्दछ ।
